一年前由老表介紹下開始睇台灣嘅「凹嗚狼人殺」，然後欲罷不能咁晚晚煲，好多人問呢個遊戲都出現咗咁耐，點解我宜家先會中意，可能係娛百呢個節目令我覺得最簡單嘅遊戲最令人放鬆。
半年前開始搵人玩，由屋企圍爐式作業，去到每個人有獨立位置，投票仲要有牌，儀式感增加遊戲體驗，更令一班好朋友聚埋一齊。
我中意呢個遊戲係因為當中包含表達能力、信任、默契、欺騙仲有盡力，無論你拎起邊一隻牌，其實係多變嘅局面當中你都可以做好你嘅本份，就算被狼人拉落水，被人投死嘅一刻只要你做好自己遺言，你都總可以為整個大局拉嚟收益，「不卑不亢，盡力而為」係我認為最值得學習嘅事。...
See More